Sinopsis Cerkak "Dudu Getih Pahlawan"

Sinopsis Cerkak "Dudu Getih Pahlawan"

Panjebar Semangat No. 46, 16 Nopember 2013 hal 23-24

Judul Cerkak               : Dudu Getih Pahlawan

Pengarang                   : Tiwiek SA

Ringkasan Cerkak       :

Cerkak sing nduweni judul “Dudu Getih Putih” iku nyaritakake bab pengkianatan. Nalika wektu iku Letnan Santosa lagi uring-uringan marang Kopral Ngadimin. Nyata-nyata Kopral Ngadimin iku wong sing ora ngerti bab apa-apa, nanging Letnan Santosa malah ndakwa sing ora bener. Awal masalahe yaiku nalika strategi sing wis disimpen primpen lan werit, sanyatane wis kejodheran marang wong landa. Ora aneh yen Letnan Santosa uring-uringan kaya mangkono iku mau amarga anggone nggrumut markas landa ing omahe Dariyo mau bengi gagal total. Malah ana anggota gerilya sing dadi kurban. Bareng pasukan Macan Loreng kalah, Letnan Santosa banjur gawe putusan.

Ana ing liya dina, ana salah sawijining prajurit kandha marang Letnan yen Dalimo kuwi ngrokok. Letnan mung mangsuli yen kuwi mung panggaweyan sing lumrah utawa wis biasa. Sepisan maneh prajurit iku mau njelaske yen rokok kuwi dudu sembarang rokok, rokok iku mau wernane putih. Ora let suwe Letnan banjur marani Dalimo, Letnan ndakwa yen Dalimo kuwi tukang mata-mata. Dalimo wis dijotosi nganti tatu kabeh awake. Akhire Dalimo jujur yen kuwi rokok dudu nggone wong landa, nanging saka bu Narmi. Awale Letnan Santosa ora percaya. Nanging suwe-suwe nyimpen rasa curiga uga.

Ing wektu esuke, Letnan Santosa bali menyang omahe. Dheweke langsung mlebu ana kamar. Dheweke menangi bojone sing jeneng Bu Narmi iku mau lagi turu karo wong lanang liya, wong lanang iku mau bule utawa wong landa. Tanpa mikir dawa, Letnan Santosa banjur nglolos pistule. Peluru pistule iku mau ngenani wong lanang bule iku mau. Letnan Santosa banjur ngendika kaya mangkene iki ing sajerone atine “dudu getih pahlawan, nanging getih pengkianat! Lan ora kober sambat, lesane tinjo akherat!”

Sarampunge kadadean iku mau, Letnan Santosa banjur mlayu lan lunga ngadohi papan kadadean iku mau.