Lomba Foto Selfie
Awan iku
Trinil lan Cipluk katon cekikikan ning buk semen wetan sekolahan. Kalorone
asyik nontoni hape sajak ono sing wigati. Saka kadohan Lik Darmi sing biasane
dodol lontong bingung weruh bocah loro ngguya-ngguyu tanpa sebab, wusanane Lik
Darmi ngaruhi
“Trin,
Pluk lagi pada ngapa kuwi, ngguya ngguyu ora jelas, kaya bocah kesambet”
“Hahaha..haduh
Lik, ngganggu wae sih. iki aku karo Cipluk lagi milih foto arep tak elokne
lomba” semaure Trinil
“Lomba
opo to? Ono hadiahe ra?” Lik Darmi sing pancen kawentar minangka pemburu hadiah langsung melu
nggabung
***
“Iki Lik,
lombane foto selfie kudu pamer jentik sing wis dicelup tinta bukti melu
coblosan” Cipluk nerangke
“Weh, lha
kebeneran iki, aku lagi wae lock mulih nyoblos, ki jentikku isih ungu, tapi sik
sedhela kowe-kowe kan isih SMP, apa ya wis oleh nyoblos kok isa melu lomba?”
Lik Darmi katon gumun
“Hehehehe..yo
durung oleh Lik” jawabe Trinil karo mesam mesem
“Lha kuwi
buktine jentikmu wis malih warni dadi ungu?” Lik Darmi sansaya bingung
***
“Wah
ngene lho, dadi bocah ki mesti cerdas Lik, mesti ya durung oleh nyoblos, tapi
nek mung ndadekna jentik dadi ungu kan gampang, iki mau nganggo mangsi stempel
tokone bapak,lha hadiahe marai kepincut sih. Eh tapi aja ngomong
sapa-sapa lho Lik” welinge Cipluk sing mbuka wadi
“Court..lha
bocah pada urik kabeh, ya aku janji ora ngomong tapi aku mbok ya difoto ben isa
melu lomba kaya awakmu” Lik darmi nyoba negosiasi
“Hmm..piye
ya, ya wis lah take care of business,
sopo ngerti ngko panitia lomba milih jentik sing paling lemu sing menang” ujare
Trinil karo mesem jail
“wis
sakarepmu Trin, sing penting aku mbok foto terus mbok daptarke lomba, eh tapi
aku tak ning omahe Bude Karjo sik yo sedhela” saure Lik Darmi
***
“Lha..ngopo
maneh to Lik, ki aku wis siap-siap njepret Je” Cipluk protes
“Lha kowe
ki rak mudeng pa piye ta, lali apa? Jare mau lomba foto selfie, ya aku arep
ning nggone Budhe Karjo methuk Selfie anake kae ben isa foto bareng aku
mengko”
“…..wooo..ooo.oooooo”
Cipluk lan trinil ndlahom
Tidak ada komentar:
Posting Komentar