MGMP Basa Jawa SMP Jepara, Sosialisasi Kurikulum 2013

MGMP Basa Jawa SMP Jepara, Sosialisasi Kurikulum 2013

Kanggo ngadepi anane rencana kurikulum anyar 2013, MGMP Basa Jawa SMP Kabupaten Jepara duweni ancas saha tujuan arep menehi sangu marang dwija Jawa kanthi nganakake kegiyatan sosialisasi implementasi kurikulum basa Jawa 2013. MGMP basa Jawa SMP Kabupaten Jepara nganakake seminar kanthi tema “Sosialisasi Kurikulum Basa Jawa 2013” kang mapan ana ing  aula SMPN 1 Jepara.

Saben taun minimal sepisan pancen nganakake acara sing ana kaitane karo basa Jawa, taun wingi nganakake pelatihan tembang macapat, gamelan lan penulisan karya ilmiah. Taun iki nganakake seminar kang mbahas mligine kurikulum 2013. Akeh guru basa Jawa sing padha rawuh. Kuwi mbuktikake yen acara kasebut disengkuyung dening para Kepala Sekolah SMP/MTs sekabupaten Jepara.

Ing kabuptaen-kabupaten liya ing wewengkon Jawa Tengah khususipun ing Kabuptaen Blora saben dina kemis kabeh instansi kudu nggunakake basa Jawa. Saperangan wong Jawa pancen migunakake basa Jawa, nanging basa Jawa sing endi sing bakal ditrepake ing jaman saprene. Kamangka akeh wong sing padha sambat Manawa para mudha ora padha bisa nganggo basa karma. Mula kanthi iku para pemikir lan sarjana basa Jawa njaluk marang pemerintah Manawa basa Jawa tetep diwulangake ana ing donyaning pawiyatan. Basa Jawa kudu madeg dhewe, ora dadi mata pelajaran sing digabung-gabung karo pelajaran liya.

Ringkesan saking panjebar semangat No. 46 - 16 Nopember 2013