Tembang Grimis Esuk
Angin
dolanan rambute jagung
Iwak-iwak
jogedan banyu kalen-adhuh endahe
Ewadene,
wong manis, andika kelalen
Ah,
bokmenawa rembulan moblong wis ora sengsem
Tumrap
kangen batinmu. Selagine jaman banget ngungun
Marang
kahanan wengi sing banget panas-banget panas
Merga
kaobong nepsu lan angas
Tembang
grimis esuk, tembange para tani
Sing
urun marang kaprasajan. Sumeleh sapa sing dirasa
Tanpa
kudu katut iline ombak
Tanpa
ngrasa mlinder pikulan ing pundhak
Kabeh
linakonan sakadare
Binareng
tembang grimis nyusu marang bumine
Kapethik saka
“Bledeg Segara Kidul”
Tidak ada komentar:
Posting Komentar