Lilakna

Lilakna

Lilakna aku lunga, lilakna!

Nyeret sakehing panandhang titipanmu

Embuh menyang endi sikil bakal tumuju

Sagagang kembang mlathi

Uga racikan ukaar peni sing rinonce dadi gupitasari

Bakal dadi piyandel tuwuhing rasa kangen ing ati

Lilakna aku bali, lilakna!

Salembar kitir isi gorehing rasa

Aja disuwek najan ora pengaji, najan ora pengaji

Nyatane aku durung kober methik kembang tanduranmu

Apa maneh ngrasakake manise madu

Mula lilakna aku bali. O, lilakna aku bali

Senajan sarana nglangi sadawane kali

Prau sing lelayaran kae pancen nyurung tekadku

Nrajang sela-selane ombak nlusup sangisore dahuru

Kapethik saka “Bledeg Segara Kidul”