Keblinger

Keblinger

Dening : Fifi Lia Rumita

Anakku ngger cah ayu lan cah bagus

Delengen ngger, sawangen jagat iki rak wis sansaya cumlorot

Cumlorote katon abyor kerlap-kerlip

Kerlap-kerlipe jaman saiki wis owah

Owah-owahane ngrembaka ing pasulayan kang ala

O, saiki jamane wis moderen,

Lampu kang asale saka sentir saiki wis gumanti karo neon

Sawah kang asale katon ijo royo-royo,

Saiki kabeh wis kasulap dening mantra jampine para panggedhe

E lhah dalah, jebul bener

Keblinger, keblinger tenan anak putuku

Ngger gus cah ganteng lan cah ayu,

Coba elingana jaman nalikane awakmu isih ngangsu ilmu

Kabeh rak ya padha lugune ta ngger?

Nanging saiki apa?

Bareng awakmu wis dadi wong pinter, banjur mlayu nututi laler

Njur kepiye nasipe bangsa kang jejer mager

Mager gumantung peprentahan kang ora bener

Duh gusti…

Keblinger, keblinger tenan awakmu ngger