Sing Kudu Dipilih

Sing Kudu Dipilih

Antarane ambane dalan-dalan sidhatan

Lan kumelipe lampu-lampu neon dalanan

Sapa sing kudu dipilih

Sing lumaku nyangking slendhang lan nggendhong rinjing

Kanthi obor klari lan oncor pring

Ngoyak misteri pnguripan

Utawa mobil-mobil dhines

Sing nyongklang mburu wektu

Awit kudu nekani rapat koordhinasi

Sing wis mulur setengah jam?

Ana sing kudu dipikir

Senajan penyair meneng, bisu kebak wening

Nanging sapa sig kudu dipikir

Antarane kuli-kuli panggul

Lan prawan ayu sing tansah nyidham endahe gurit!

Mula penyair asring ngelih

Nalika sawijine wektu

Kudu milih melek utawa milik!

Kapetik saka “Bledeg Segara Kidul”