Pambagyaharja pengetan dinten kamardikan wonten ing dusun

Pambagyaharja pengetan dinten kamardikan wonten ing dusun

dening : Fifi Lia Rumita

Assalamualaikum Wr. Wb.

katentreman, kawilujengan saha kamulyan mugi kajiwa kasarira wonten ing jiwangga kula dalah panjenengan sedaya waradin sagung dumadi.

               Nuwun, kawula nuwun.

Bapak Kepala Desa inggih menika Bapak Roni Al-imron ingkang satuhu kula bekteni, Bapak Ketua Rt 1/1 inggih menika Bapak Subiyanto ingkang satuhu kinurmatan, saha para warga ingkang kula tresnani. Saderengipun mangga sesarengan ngaturaken syukur Alhamdulillah wonten ngarsanipun dalem Allah SWT, dene kula panjenengan sami taksih pinaringan rahmat saha hidayahipun, katitik kula panjenengan sekaliyan taksih saged kempal wonten ing papan mriki, saperlu hangrawuhi adicara Pentas akbar dinten Kamardikan Negara Kesatuan Republik Indonesia ingkang kaping 69 tahun.

Sepisan kula ngaturaken matur nuwun dumateng para rawuh ingkang sampun rawuh wonten ing adicara Pentas akbar dinten Kamardikan Negara Kesatuan Republik Indonesia ingkang kaping 69 tahun. Ingkang kaping kalih kula ugi ngaturaken matur nuwun kagem panitia ingkang sampun nyengkuyung adicara menika kanthi lancar.

Mugi sedaya acara punika saged kalampahan kanthi gancar li ring sambikala.

Pramila kula minangka Ketua Panitia menawi wonten kekirangan anggenipun ngrancang kegiyatan ingkang boten jumbuh semangat kamardikan, kula sakanca nyuwun panyaruwe ingkang tundhonipun saged damel mindhak saenipun sesrawungan ing madyaning panitia.

Kula kinten boten prayogi manawi kula matur kathah-kathah awit taksih kathah asara ingkang badhe kagelar ing ndalu punika, pramila menawi anggen kula matur kathah kekiranganipun kula nyuwun agunging  pangapunten.

Wassalamualaiykum Wr. Wb